Әлбетте, біз тарихтан білетін жекпе-жекті ойын деуге болмайды. Ол –жаугершілік замандағы екі адам арасындағы айқас. Ондай жекпе-жек найзаласу, қылыштасу, күресу, аударысу, садақ тартысу сияқты түрлі формада жүргені де баршаға мәлім. Соғыстағы жекпе-жектің мәні – қалың жау әскерінің мысын басу, айбынын түсіру. Сонымен бірге жекпе-жек халқымыздың ұрыс мәдениетін де танытатын соғыс ойыны (әскери ойын). Бейбіт өмірде күш сынасу мақсатында жүрген жекпе-жектер де болған.
Мұнда ұсынылып отырған «Жекпе-жектің» тек аты ғана болмаса, шын жекпе-жекке басқадай қатысы жоқ. Ойынның мақсаты адамның көңілін көтеріп, сергіту. Мұнда ойыншылар белгілі қазақ ертегілеріндегі Таусоғар, сарбаз сияқты алып күш иелерімен, сондай-ақ Тазша бала, мыстан кемпір, пері қыздары сияқты айласы мен қулығы мол кейіпкерлермен күресіп, ойнақы түрде күш сынасады.
|
|